Temirtaýda 22 jyl quldyqta bolǵan áıelge páter syıǵa berildi
Madına 22 jyl qystaqta quldyqta bolǵan. Onyń úsh balasy bar. «Hareket» qaıyrymdylyq qory jalǵyzbasty anaǵa eki bólmeli páterdiń kiltin tabystady.
«Bul kelinshek týraly «Qaısar« qaıyrymdylyq qory arqyly bildik. Qor ókilderi oǵan bostandyqqa shyǵýǵa kómektesken jáne onymen bir jyl jumys istedi. Al biz Madınaǵa Temirtaýda eki bólmeli páter syılaýdy uıǵardyq. Páter jaqsy, jóndeý jumystary jasalǵan», – deıdi Qaraǵandy oblysy boıynsha «Hareket» QQ dırektory Aqtoty Júnisova.
Qazir Madına men onyń balalarynyń ómiri jaqsaryp keledi.
«Meniń otbasyma kómekteskenderdiń barlyǵyna rahmet aıtqym keledi. «Hareket» jáne «Qaısar» qorlaryna erekshe alǵys bildiremin. Olar meniń aıaǵyma turyp, qalypty ómirge oralýyma kemektesti», – deıdi Madına.
Esterińizge sala keteıik, «Hareket» QQ úsh jyldan beri jumys istep keledi. Osy ýaqyt ishinde qor respýblıka boıynsha 500-ge jýyq otbasyn, onyń ishinde Qaraǵandy oblysynda 80-nen astam januıaǵa baspana syılady. «Hareket» jetim, kópbalaly, jesir, jalǵyzbasty analarǵa, erekshe bala tárbıelep otyrǵan otbasylarǵa kómektesedi.
