Temirtaýda 1 keliden astam geroın satpaq bolǵan azamat ustaldy
ASTANA. Aqpannyń 17-si. QazAqparat /Aıdar Ospanalıev/ - Aqpannyń 8-i men 14-i aralyǵynda respýblıkada 1 myń 861qylmys tirkelip, onyń 1 myń 480-niń izi sýymaı ashyldy. Bul týraly búgin jýrnalıstermen bolǵan brıfıntge Іshki ister mınıstrliginiń Til saıasaty jáne aqparat departamentiniń bastyǵy Qýanyshbek Jumanov málim etti,
dep habarlaıdy QazAqparat.
Onyń derekterine qaraǵanda, tártip saqshylary apta ishinde izdeýde júrgen 92 kúdiktini taýyp, 7 atys qarýyn tárkilegen. Al esirtkimen baılanysty 192 qylmys anyqtalyp, onyń 69-y esirtkini saýdalaýǵa qatysty bolǵan. «Zańsyz aınalymnan 68 keli esirtki alynyp, onyń 1,5 keliden astamyn geroın, 11 kelisin gashısh qurady. Temirtaý qalasynda 1 keliden astam esirtkini saýdalamaq bolǵan azamat ustaldy. Atalmysh áreket boıynsha qylmystyq is qozǵaldy. Sondaı-aq esirtkimen kúres baǵytyndaǵy arnaıy operatsııa barysynda Qaraǵandyda 61 jasar zeınetker ustalyp, onyń úıinen ıisshil ıttiń kómegimen 240 gramm geroın tabyldy», dedi departament bastyǵy.
