Temirtaý JEO-2-ge jospardan tys tekserý júrgizildi

QARAǴANDY. QazAqparat - Energetıka mınıstrligi Temirtaý JEO-2-ge qatysty jospardan tys tekserý júrgizilgenin málimdedi, dep habarlaıdy QazAqparat.

«Atomdyq jáne energetıkalyq qadaǵalaý men baqylaý komıtetiniń Qaraǵandy oblysy boıynsha aýmaqtyq departamentine Temirtaý qalasynyń ákimdigi aǵymdaǵy jylytý maýsymy bastalǵannan beri tirkelgen «Arselor Mıttal Temirtaý» AQ JEO-2 boıynsha jylý jelileri jumysynyń temperatýralyq kestesin saqtamaý jaǵdaılaryna baılanysty júgindi.

Osy fakt boıynsha 2022 jylǵy 28 jeltoqsannan 2023 jylǵy 09 qańtarǵa deıin departament elektr energetıkasy salasyndaǵy normatıvtik quqyqtyq aktiler talaptarynyń saqtalýyna jospardan tys tekserý júrgizdi. Tekserý qorytyndysy boıynsha 2023 jylǵy 10 qańtarda tekserý barysynda anyqtalǵan buzýshylyqtardy joıý, atap aıtqanda, Temirtaý qalasynyń tutynýshylaryn senimdi jylýmen qamtamasyz etý úshin kúl ustaıtyn qondyrǵylardy jóndeý jáne bý qazandyqtarynyń ónimdiligin arttyrý boıynsha tıisti nusqama berildi», - dep jazylǵan vedomstvo habarlamasynda.