Temirtaý turǵynyn shoqyný merekesi túninde shomylǵan soń úsik shaldy
QARAǴANDY. 21 qańtar. QazAqparat - Qaraǵandy oblysyndaǵy Temirtaý qalasynyń turǵyny shoqyný merekesi túninde shomylǵan soń úsik shalyp, aýrýhanaǵa tústi. Bul týraly qalalyq aýrýhanacynan habarlady.
«Jedel járdem qyzmeti» bizge aıaq-qoldary úsip ketken er adamdy jetkizdi. Shoqyný túninde mas kúıinde bolǵan ol oıyqqa sýǵa túsip, odan keıin qardyń ústinde uıyqtap qalǵan. Qazirgi kezde ol emdelýde», - dep málim etti Temirtaý qalasynyń № 3 aýrýhanasynan.
TJD baspasóz qyzmetiniń aqparatynsha, Qaraǵandy oblysynda shomylý úshin 10 oıyq daıyndaldy, olardyń qasynda shoqyný túninde súńgýir-qutqarýshylar kezekshilik atqardy. Azamattardyń muzdaǵy qaýipsizdigin qamtamasyz etýde barlyǵy 40 qutqarýshy jumyldyryldy, qutqarý quraldary daıyn boldy.
Qutqarýshylardyń málimetterinshe, tek Qaraǵandynyń Ortalyq mádenıet jáne demalys saıabaǵyndaǵy kólde oıyqtaǵy sýǵa 1000-ǵa jýyq adam tústi.
