Temirtaý turǵyny ulynyń esimin Elka dep qoıǵan
ASTANA. 10 qańtar. QazAqparat - Qaraǵandy oblysyndaǵy Temirtaý qalasynyń turǵyny óziniń jańa týǵan sábıine Elka degen esim berdi, dep habarlady Interfaks balanyń anasy Almagúl Raıhanǵa silteme jasap.
Raıhannyń aıtýynsha, ol sábıin 31 jeltoqsannan 1 qańtarǵa qaraǵan túni, Jańa Jyl toılanyp jatqan kezde dúnıege ákelgen. Sondyqtan da jas bosanǵan ana balasyna osy merekege baılanysty esim qoıýdy uıǵarǵan. «Biz kúıeýimiz ekeýmiz balaǵa jańajyldyq merekeniń basty sımvolynyń (shyrshanyń) qurmetine Elka dep esim berýge uıǵardyq», - dedi ol.
Almagúl Raıhan ulyna mundaı esimmen ómir súrý jeńil bolady dep sanaıdy, óıtkeni ol «izgi jáne jaqsy uǵym» beredi.
Elka otbasyndaǵy ekinshi bala, budan basqa bir jasqa tolǵan qyz bala dástúrli qazaqsha esimge ıe.
