Temirtaý turǵyny polıtsııa qyzmetkerin urǵany úshin aıyppul tóleıdi
QARAǴANDY. QazAqparat - Toqtaýdy jáne qashpaýdy talap etken polıtsııa qyzmetkerine baǵynbaı, artynsha shyntaǵymen onyń betinen urǵan Temirtaý qalasynyń turǵynyna aıyppul salyndy, dep habarlaıdy «QazAqparat» HAA tilshisi.
Temirtaý mamandandyrylǵan ákimshilik soty baspasóz qyzmetiniń málimetinshe, Nıkolaı Kalının úıiniń aýlasynda dostarymen spırttik ishimdik iship otyrǵan. Úıdiń turǵyndary polıtsııa qyzmetkerlerine shaǵymdanǵan.
«Tártip saqshylary kelgen boıda, olar jan-jaqqa qasha bastady. Ustalǵan Kalının jazataıym shyntaǵymen polıtsııa qyzmetkerleriniń biriniń jaq súıegin uryp aldy. Osylaısha ol jol-patrýldi polıtsııa batalonynyń qyzmetkeriniń talabyna baǵynbaı, oǵan qosa ákimshilik quqyq buzýshylyq jasady», - dep habarlady Temirtaý mamandandyrylǵan ákimshilik sotynyń baspasóz qyzmeti.
Temirtaýlyq azamat óz kinásin moıyndap, ókinetindigin bildirdi. Soqqynyń ustaý kezindegi oqys qımyl saldarynan abaısyzda jasalǵandyǵyn aıtty. Sot ony QK-niń 667-baby 1-bóliminde qarastyrylǵan «Ákimshilik quqyq buzýshylyq» boıynsha «prokýrordyń, tergeýshiniń, anyqtaýshynyń zańdyq qyzmetine kedergi keltirýshilik» retinde kináli dep tanydy. Ol 20 aılyq eseptik kórsetkish kóleminde, ıaǵnı 45 380 teńge aıyppul tóleý túrindegi ákimshilik jaýapkershilikke tartyldy.
