Temirtaý turǵyny medsaqtandyrý esebinen endoprotez operatsııasyn tegin jasatty

TEMІRTAÝ. QazAqparat – Qaraǵandynyń oblystyq klınıkalyq aýrýhanasynda qoldyń usaq býyndaryn endoprotezdeý boıynsha kúrdeli jáne qymbat ota jasaldy. Naýqas úshin ol tegin boldy. Operatsııaǵa qajetti aqshany medıtsınalyq saqtandyrý qory aýdarǵan, dep habarlaıdy QazAqparat tilshisi.

Uzaq jyldar boıy Temirtaý qalasynyń turǵyny deformatsııalaýshy polıartrıtten japa shegip keldi.

Naýqastyń bilek býyndarynda ózgerister paıda bolyp, sonyń saldarynan alaqan qyzmeti deformatsııalandy.

Atalmysh dertten ádette qatty aýyrsyný seziledi jáne gormonaldy terapııadan ótýge májbúr bolady.

Jaqynda naýqastyń sol qolynyń býyndaryn arnaıy sılıkon býyndar almastyrdy. Operatsııa bir jarym saǵatqa sozyldy. Ony belgili hırýrg Frants Galıtskıı júrgizdi.

«Bul jarǵaqty saýsaq dep atalady. Atalmysh dert adamnyń múgedektigine ákeledi, sebebi mundaı jaǵdaıda fızıkalyq belsendilikti, ustamaly qımyldardy oryndaý, ózine qyzmet etý óte qıynǵa soǵady», – dedi Frants Galıtskıı.

Operatsııadan keıin bir aptadan soń patsıent judyryǵyn tolyǵymen qysa alady, ony endoprotezdeýge deıin jasaý múmkin emes edi.

«Men óte rızamyn. Operatsııa sátti ótti. Dárigerlerge, ásirese hırýrgqa rızamyn», – dedi patsıent.