Temirtaý: Polıtsııa kóshede qyzdy uryp, sómkesin tartyp almaq bolǵan adamdy ustady
QARAǴANDY. QazAqparat – Temirtaý qalasynyń tártip saqshylary kóshede ketip bara jatqan qyzdy uryp, qolyndaǵy sómkesin alyp qashpaqshy bolǵan er adamdy ustap, qamaýǵa aldy, dep habarlaıdy QazAqparat tilshisi.
Bul oqıǵa qalanyń baqylaý kameralarynyń birinde tirkelgen. Beınerolık birer kún buryn Qaraǵandynyń tanymal pablıkteriniń birinde jarııalanǵan bolatyn.
Áleýmettik jelilerde jarııalanǵan beıneden belgisiz azamattyń qyzǵa shabýyl jasap, onyń sómkesin julyp alýǵa tyrysqany baıqalady.
«Áleýmettik jelilerge monıtorıng júrgizý barysynda polıtsııa qyzmetkerleri 33 jasar jábirlenýshini anyqtap, onyń aryzy boıynsha Temirtaý qalalyq polıtsııa bólimi QK-niń 24-baby 3-191-baby 2-bóligi boıynsha sotqa deıingi tergeýdi bastady (tonaý jasaý áreketi).
Aǵymdaǵy jyldyń 1 aqpanynda júrgizilgen is-sharalar men beınebaqylaý kameralaryn zertteý barysynda osy is boıynsha 40 jastaǵy qala turǵyny anyqtalyp, ustaldy. Ol kinásin moıyndady», - dep málimedi Qaraǵandy oblystyq PD baspasóz qyzmeti.
