Temirtaý polıtseıleri «Balalar aýyly» tárbıelenýshilerine ulttyq naqyshta 22 syılyq jasady

TEMІRTAÝ. QazAqparat – Temirtaý qalasynyń polıtsııa qyzmetkerleri Naýryz merekesinde ómirlik qıyn jaǵdaıǵa tap bolǵan balalardy tárbıeleıtin mekemege bardy. Tártip saqshylary balalarǵa kóktemgi meıramǵa oraı syılyqtar tabys etti, dep habarlaıdy QazAqparat tilshisi.

Naýryz qarsańynda Temirtaý qalalyq PB qyzmetkerleri qıyn ómirlik jaǵdaıǵa tap bolǵan balalarǵa arnalǵan mekemelerdi aralap qaıtty. Іs-shara «22 ulttyq syılyq» qaıyrymdylyq aktsııasy aıasynda ótti.

Tártip saqshylary «SOS. Balalar aýylynyń» tárbıelenýshilerine ulttyq stılde oryndalǵan qýyrshaqtar, kilemder, ulttyq kostıýmder, bas kıimder, qumyralar, ashana jıyntyqtaryn tabystaldy. Polıtsııa qyzmetkerleri 18 jyldan beri jumys istep kele jatqan osy balalar mekemesine qamqorlyq etýde. Onda qıyn ómirlik jaǵdaıǵa tap bolǵan 3 jastan 16 jasqa deıingi jas jetkinshekter turady.

Sondaı-aq, polıtseıler Qaraǵandy oblysynyń bilim basqarmasynyń kámeletke tolmaǵandardy beıimdeý ortalyǵynda boldy. Olar balalardy qazaq halyq shyǵarmashylyǵynyń buıymdarymen qýantty.

«Osy turmystyq zattardyń barlyǵyn, kıimderdi ata-babalarymyz paıdalanǵan. Sizder – bizdiń bolashaǵymyz jáne dástúrlerimizdi jalǵastyrýshylarysyzdar. Bul qarapaıym syılyqtar bizdiń ulttyq dástúrlerimizdi bilýge jáne este saqtaýǵa yqpal etýi kerek. Sizderge baqyt, densaýlyq jáne qýanysh tileımiz!»- dep atap ótti Temirtaý qalasy PB bastyǵynyń orynbasary Erkebulan Ábdilda.