Temirtaý polıtseıleri arnaıy mekemelerdegi balalarǵa syılyq jasady

TEMІRTAÝ. QazAqparat – Temirtaý qalasynyń polıtsııa qyzmetkerleri Naýryz merekesine oraı ómirlik qıyn jaǵdaıǵa tap bolǵan balalardy tárbıeleıtin mekemelerge bardy. Tártip saqshylary balalarǵa kóktemgi meıramǵa oraı syılyqtar tabys etti, dep habarlaıdy QazAqparat tilshisi.

Temirtaý qalalyq PB qyzmetkerleri is-sharany «22 ulttyq syılyq» qaıyrymdylyq aktsııasy aıasynda ótkizdi.

«SOS. Balalar aýylynyń» tárbıelenýshilerine ulttyq stılde oryndalǵan qýyrshaqtar, kilemder, ulttyq kostıýmder, bas kıimder, qumyralar, ashana jıyntyqtaryn tabystaldy. Polıtsııa qyzmetkerleri 18 jyldan beri jumys istep kele jatqan osy balalar mekemesine qamqorlyq etýde. Onda 3 jastan 16 jasqa deıingi jas jetkinshekter turady.

Sondaı-aq, polıtseıler Qaraǵandy oblysynyń bilim basqarmasynyń kámeletke tolmaǵandardy beıimdeý ortalyǵynda boldy. Olar balalardy qazaq halyq shyǵarmashylyǵynyń buıymdarymen qýantty.

«Osy turmystyq zattardyń barlyǵyn, kıimderdi ata-babalarymyz paıdalanǵan. Sizder – bizdiń bolashaǵymyz jáne dástúrimizdi jalǵastyrýshysyzdar. Bul qarapaıym syılyqtar bizdiń ulttyq dástúrlerimizdi bilýge jáne este saqtaýǵa yqpal etýi kerek. Sizderge baqyt, densaýlyq jáne qýanysh tileımiz!»- dep atap ótti Temirtaý qalasy PB bastyǵynyń orynbasary Erkebulan Ábdilda.