Temirtaý murajaıynda «Jasampaz Jańa jyl» atty ekspozıtsııa ashyldy
ASTANA. QazAqparat - Temirtaýdyń murajaı qyzmetkerleri jańajyldyq bal uıymdastyrdy. Modelder qolda bar materıaldardan - polıetılennen, qaǵazdan, plastık ydystan jasalǵan biregeı kostıýmderden arnaıy kıim kıip shyqty, dep habarlaıdy Qaraǵandy oblysy ákimdiginiń baspasóz qyzmeti.
Jańa jyldyq keshke 5 pen 18 jas aralyǵyndaǵy 20 adam qatysty. Keler 2018 jyldyń sımvoly - ıtter mereke qonaqtary boldy. Frantsýzdyq jalpaq tumsyqty ıtterge Aıaz ata men Aqshaqardyń kostıýmderin kıgizgen.
Murajaıda «Jasampaz Jańa jyl» atty ekspozıtsııa ashyldy. Bul jerden merekege qatysty kıiný dástúri qaıdan shyqanyn, jyldar boıy jańajyldyq kıim úlgisi qalaı ózgergenin bilýge bolady.
Tipti ótken ǵasyrdyń 60-90-shy jyldaryndaǵy kostıýmder qoıylǵan: maqta, kapronnan jasalǵan kóılek, púlish maskalar, symnan jasalǵan áıelder bas kıimi men taǵy basqalar bar. Metallýrgter qalasynyń tanymal adamdary otbasylyq muraǵattaryndaǵy jańajyldyq erteńgilikterdiń sýretterimen bólisti.
Qysqy abstraktyly ormanda «selfı» jasaýǵa bolady.
Kórermender daýys berý arqyly eń erekshe kostıýmderdiń avtorlaryn tańdady. Jeńimpazdarǵa dıplomdar men estelik syılyqtar, qalǵan qatysýshylarǵa sertıfıkattar men syılyqtar tabystaldy.
