Temirtaý murajaıy halyq nazaryna kóne medıtsınalyq jádigerdi usyndy
TEMІRTAÝ. QazAqparat – Qarańǵandy oblysynyń Temirtaý qalalyq tarıhı-ólketaný murajaıynda «Pavel Karlash áskerı feldsheriniń medıtsınalyq tútigi» atty ekspozıtsııa ashyldy, dep habarlaıdy QazAqparat.
Murajaı Medıtsına qyzmetkeri kúni qarsańynda eski aǵash stetoskop týraly baıandamaq.
Murajaı qorynda medıtsınaǵa qatysty júzden astam jádiger saqtalǵan. Dál osy tútik dáýirdiń artefaktisi retinde ǵana emes, sonymen qatar Temirtaý qalasy úshin mańyzdy adamǵa tıesili qural retinde de qundy.
Áskerı feldsher Pavel Karlash kóptegen marapattar men alǵys hattarǵa ıe bolyp, soǵysty basynan sońyna deıin ótken. Keıin metallýrgter qalasynyń densaýlyq saqtaý júıesin uıymdastyrýǵa kóp kúsh jumsaǵan. Ol qalalyq sanıtarlyq-epıdemıologııalyq stantsııasynyń birinshi meńgerýshisi boldy. Qalalyq jedel járdem stantsııasyn qurdy jáne onyń birinshi meńgerýshisi boldy.
Instagram-daǵy tikeleı efırge dárigerdi etene jaqsy tanıtyn adam, onyń uly Valerıı Karlash qatysty. Ol ákesi jaıly baıandady.
Efır murajaıdyń áleýmettik jelidegi paraqshasynda qoljetimdi.
Murajaı kelýshiler úshin dúısenbiden jumaǵa deıin 09:00-den 18:00-ge deıin, senbi 09:00-den 17:00-ge deıin jumys isteıdi.
Aıta keteıik, Medıtsına qyzmetkeri kúni Qazaqstanda jyl saıyn maýsym aıynyń úshinshi jeksenbisinde atap ótiledi.
