Temirtaý murajaıy balalyq shaqqa shomýǵa shaqyrady

TEMІRTAÝ. QazAqparat – Qaraǵandy oblysy Temirtaý qalasyndaǵy tarıhı-ólketaný murajaıynda «Balalyq shaqtan» atty ınteraktıvti ekspozıtsııa ashyldy. Іs-shara balalar jylyna oraılastyrylǵan, dep habarlaıdy QazAqparat tilshisi.

Kórme HH ǵasyrdyń basynan bastap búgingi kúnge deıingi balalyq shaqtyń túrli qyrlary týraly baıandaıdy. Munda alty bólim usynylǵan.

«Balalar tarıhy. Temirtaý» lokatsııasynda balalar úıiniń birneshe urpaǵynyń fotosýretteri, eski balalar oıynshyqtary men derekti faktiler ornalastyrylǵan.

BOOKHOUSE bólimi kitap álemine enýge múmkindik beredi. Munda eski jáne qazirgi zamanǵy balalar kitaptarymen tanysýǵa bolady. Kitap oqýǵa yńǵaıly eski kreslolar ornalastyrylǵan.

«Balalar sheberhanasy» ornalasqan jerde kelýshiler qýyrshaq nemese orıgamı jasaı alady.

«Balalar tarıhyndaǵy zattar» murajaı qupııalary álemine enedi. Murajaı qyzmetkerleri kelýshilerdiń janasýynyń qanshalyqty damyǵanyn tekserýge sheshim qabyldady. Olar qor kollektsııasyndaǵy zattardy qoraptarǵa jasyrdy. Kelýshiler olardy tek qolmen ustap, ne ekenin boljaı alady. Keńester de beriledi.

«Meniń aýlam» lokatsııasyndaǵy 3D kartına 70–80 jyldardaǵy balalyq shaqty eske túsirýge múmkindik beredi.

«Eresekterge kirýge tyıym salynady» qondyrǵysy erekshe aımaq bolyp tabylady. Bul qupııalarǵa, qııaldarǵa jáne súıikti oıynshyqtarǵa toly balalar bólmesi.

Kórme aqpan aıynyń sońyna deıin jalǵasady.