Temirtaý metallýrgteriniń atynan Álibek Alpysbaev Elbasyna saýlyq tiledi

TEMІRTAÝ. QazAqparat – Temirtaý qalalyq máslıhatyndaǵy «Nur Otan» partııasy fraktsııasynyń depýtaty, metallýrg Álibek Alpysbaev Elbasyna jáne koronavırýsqa shaldyqqan barlyq qazaqstandyqtarǵa qoldaý bildirip, tilek aıtty, dep habarlaıdy QazAqparat.

«Qurmetti dostar, bizdiń asa mártebeli Elbasymyz, QR Tuńǵysh Prezıdenti Nursultan Ábishuly Nazarbaevtyń koronavırýs juqtyrǵany jańalyqtardan belgili boldy. Osyǵan oraı, oǵan eńbek otanyndaǵy bizdiń metallýrgter atynan jáne óz atymnan tezirek saýyǵyp ketýin jáne myqty densaýlyq tileımin! Jaratqan Alla dertine shıpa bersin! Sondaı-aq, osy indetke shaldyqqan barlyq azamattarymyzǵa densaýlyq pen sabyr tileımin!

Bul jerde biz úshin, óndirisshiler úshin, jahandaný jaǵdaıyndaǵy barlyq qıyndyqtarǵa qaramastan, qazirgi Qazaqstannyń qalyptasýy men Nursultan Ábishulynyń «prezıdenttik» dáýirindegi kezeń-kezeńmen damýynda onyń róli asa mańyzǵa ıe.

Dostar, barlyǵyńyzdy qurmetteımin jáne baǵalaımyn. Barlyǵy birden jáne tez bola bermeıdi. Ár is ýaqyt pen sabyrlyqty qajet etedi.

Elbasy men em alyp jatqandardyń bárine taǵy da saýyǵyp ketýlerin tileımin. QR Prezıdenti Q.Q.Toqaevqa kúshti, mobıldi jáne halyq únine qulaq asatyn memleket qurýda kúsh-qýat pen sabyrlyq tileımin! Aman bolaıyq aǵaıyn! Táýelsizdigimiz máńgi, elimiz tynysh bolsyn! Birligimiz myqty bolsyn!» - dep jazdy Álibek Alpysbaev Facebook-tegi paraqshasynda.

Ol Nursultan Nazarbaevtyń 2018 jyldyń 7 qyrkúıeginde eńbek etken jerine baryp, metallýrgtermen kezdesý barysynda birge túsken sýretin jarııalady.