Temirtaý metallýrgteri qurysh pen shoıyn óndirisin arttyrdy
QARAǴANDY. QazAqparat - Temirtaý metallýrgııalyq kombınatynyń kenshileri qurysh óndirý kólemin 8,2 paıyzǵa, shoıyn óndirýdi 8,4 paıyzǵa arttyrdy, dep habarlaıdy «QazAqparat» HAA.
«Arselor Mıttal Temirtaý» kompanııasy baspasóz qyzmetiniń habarlaýynsha, metallýrgııalyq kombınatta jyl basynan beri 1 mln 300 myń tonna qurysh óndirilgen. Bul ótken jyldyń sáıkes merzimindegi kórsetkishten 8,2 paıyzǵa kóp. Sondaı-aq olar 1 mln 200 myń tonna shoıyn óndirgen. Bul de ótken jyldyń sáıkes merzimindegi kórsetkishten 8,4 paıyzǵa artyq. Metallýrgter belgilengen jospardy asyra oryndaýda.
«Biz negizgi qorlardy jańǵyrtý, kombınat tsehtarynyń qurylǵylaryn jańartý men óndiris agregattarynyń jumysyn turaqtandyrý sharalarynyń arqasynda rekordtyq nátıjege qol jetkizdik. Bizge endi óndiris kólemin arttyrý, ónimniń sapasy men tehnologııasyn jetildirý, bos turý men shyǵyndardy azaıtý baǵytyndaǵy jumystardy jetildirý kerek. Ol úshin kásiporynda barlyq múmkindikter bar. Eń bastysy, aldyǵa qoıǵan maqsattardy oryndaı alatyn eńbekqor ujym bar»,-dedi «ArselorMıttal Temırtaý» AQ atqarýshy dırektory Vadım Basın.
