Temirtaý metallýrgteri kásibı merekelerin atap ótti
QARAǴANDY. QazAqparat - Temirtaýda shildeniń úshinshi jeksenbisinde dástúrli túrde qalanyń eń mańyzdy meıramdarynyń biri - Metallýrgter kúni atalypp ótedi. Sonymen qatar, bıyl Qazaqstan magnıtkasyna 60 jyl tolyp otyr. Óńirde qos meıram qatarynan keldi, dep habarlaıdy QazAqparat tilshisi.
Sharany saltanatty túrde Qaraǵandy oblysynyń ákimi Erlan Qoshanov ashty.
«Qurmetti metallýrgter, meıramdaryńyz qutty bolsyn! Temirtaý men kombınattyń taǵdyryn bir birinen ajyratyp qaraý múmkin emes. Sondyqtan búgingi kún - barlyǵymyzǵa ortaq. Temirtaý qalasynyń tarıhy - Qazaqstan magnıtkasynyń shejiresi ispettes. Bilesizder, Prezıdentimizdiń eńbek joly dál osy jerde bastaý alǵan. Temirtaý - Qazaqstannyń kúshi men maqtanyshy. Eńbektengen árbir metallýrgke úlken rahmetimdi aıtamyn. Eshqandaı qıyndyqqa qaramastan, barynsha tyrysyp jumys atqaratyńdaryńyzdy bilemiz. Ýaqyt qandaı synaq berse de, laıyqty túrde tótep bere alatyndaryńyzǵa senimim mol. Sizderdiń óńirdiń erteńi úshin jasap jatqan eńbekterińiz - asa baǵaly», - dedi oblys ákimi.
Budan keıin úzdik metallýrgterdi marapattaý rásimi, eńbek dınastııalarynyń sherýi jáne jergilikti óner ujymdarynyń qatysýymen arnaıy kontsertter ótti.
Qazaqstandyq jáne sheteldik ánshiler úsh saǵattan astam ýaqyt boıy qala halqynyyń kóńilin kóterip, qýanysh syılady. Baǵdarlamany La Bouche toby men VIA GRA tobynyń eks-solısi Nadejda Meıher-Granovskaıa túıindedi.
Kesh merekelik otshashýmnen aıaqtaldy.
