Temirtaý metallýrgteri 13-shi jalaqyny alatyn boldy
ASTANA. QazAqparat - «ArselorMıttal Temirtaý» basqarmasynyń 18 qańtardaǵy sheshimimen 2017 jyldyń 10 aqpanyna deıin metallýrgterge 2016 jyly jasaǵan jumystary úshin syıaqy tólenedi, dep habarlaıdy tv.ekaraganda.kz.
«Jaqtaý» metallýrgterdiń kásipodaq uıymy kombınattyń basshylyǵymen 13-shi jalaqyny tóleý boıynsha kelissózi birneshe aıǵa sozyldy.
Kelisimshartqa sáıkes, eger kombınattyń óndirisin jylyna 4 mıllıon tonnadan asyrsa, syıaqy tólenedi. 2015 jyly bul kórsetkish oryndalmady, sol sebepti metallýrgter syıaqysyz qaldy. Ótken jyly kelisimsharttyń barlyq sharty oryndaldy, sondyqtan jumysshylar 13-shi jalaqyny alýy tıis. Alaıda, bul soma ártúrli tólenedi.
- Bizdiń erejege sáıkes, jyl boıy tolyq jumys jasaǵan adamdardyń belgili sanatyna 13-shi jalaqy joǵary bolady. Bul topqa qurmetti eńbekkerler áýleti, 2016 jyly eńbekke jaramsyzdyq paraǵy joq tolyqtaı jumys jasaǵan adamdar jatady. Olardyń 13-shi jalaqylary belgili bir paıyzǵa ósedi. Ereje buzǵandar, jumysqa keshikkender qarjynyń 50%-ynan qaǵylady», - dep túsindirdi «Jaqtaý» metallýrgter kásipodaǵy uıymynyń tóraǵasy Vıktor Şetının.
Sonymen qatar kásipodaqtyń atap ótýinshe, 13-shi jalaqydan bólek, 2017 jyldyń 1 qańtarynan bastap «ArselorMıttal Temirtaý» kompanııasynyń barlyq qyzmetkerlerine ınflıatsııa deńgeıinen 50%-ǵa jalaqylary ósip, ıaǵnı - 4,25%-ǵa jetedi.
