Temirtaý mańynda kómir tıelgen KamAZ aýdarylyp qaldy
QARAǴANDY. QazAqparat - 9 qazanda Temirtaý- Qaraǵandy kúre jolynda KamAZ júk kóligi aýdarylyp, ústindegi kómiri sol baǵytta kele jatqan «Toıota Avalonnyń» ústine tógildi, dep habarlaıdy «QazAqparat» HAA tilshisi.
Avtomobıl júrgizýshisi tógilgen kómirden jeńil jaraqat alǵan. Oblystyq ishki ister departamenti baspasóz qyzmetiniń basshysy Baqytjan Qudııarovtyń aıtýynsha, KamAZ-dyń 29 jastaǵy júrgizýshisi rýlge ıe bola almaı qalǵan. Onyń artyndaǵy «Toıota Avalon» júk kóligin kelip soqqan. Jol apatynyń janynan ótip bara jatqan basqa avtokólikterdiń júrgizýshileri, tipti emotsııaǵa erik bergen: «Ózi kómir tapshy bolyp otyrǵanda, sonsha kómirdi shashyp jiberdi», deıdi kýágerlerdiń biri.
B. Qudııarov júk kóliginiń júrgizýshisine qatysty ákimshilik hattama toltyrylǵanyn málimdedi.
