Temirtaý qalasyndaǵy kóppáterli turǵyn úıdiń kireberisine taqaý jerden jaıaý áskerge qarsy qoldanylatyn granata tabyldy
ANA. 9 jeltoqsan. QazAqparat - Keshe Qaraǵandy oblysyna qarasty Temirtaý qalasyndaǵy kóppáterli turǵyn úıdiń kireberisine taqaý jerden jaıaý áskerge qarsy qoldanylatyn F-1 qol granatasyn jergilikti turǵyn taýyp aldy.
Bul aqparatty elimizdiń Tótenshe jaǵdaılar mınıstrliginiń baspasóz qyzmeti taratyp otyr.
Vedomstvo taratqan aqparatqa sáıkes, qaza tapqandar men zardap shekkender joq. «Arlan» arnaıy maqsattaǵy bólimshesiniń saperleri jarylǵysh zatty joıý úshin alyp ketti. Tótenshe jaǵdaıdyń aldyn alýǵa Shuǵyl áreket etý qyzmetiniń 51 mamany men 11 tehnıkasy jumyldyryldy, onyń ishinde QR TJM Qaraǵandy oblystyq tótenshe jaǵdaılar departamenti jeke quramynyń 10 qyzmetkeri men 2 tehnıkasy bar.
