Temirtaý qalasynda akademııalyq esý jarysyna 100-den astam sportshy qatysty
QARAǴANDY. QazAqparat - Temirtaý qalasyndaǵy Samarqand sý qoımasynda akademııalyq esý boıynsha «Qazaqstan Magnıtkasy» regata ótti. Bıyl ol 15 shildede bastaldy, dep habarlaıdy QazAqparat tilshisi.
Jarysqa Nur-Sultan qalasy, Batys Qazaqstan, Túrkistan, Pavlodar jáne Qaraǵandy oblystarynyń komandalary qatysýda. Saıys barysynda 18 medal jıyntyǵy oınatylady. Júldeli oryndar úshin 105 qatysýshy ózara baq talastyrady. Bizdiń óńirimizdiń komandasyna 38 sportshy kirdi.
Jarystyń uıymdastyrýshylary – Qaraǵandy oblysynyń dene shynyqtyrý jáne sport basqarmasy, Temirtaý eskek esý sport mektebi.
«Qazaqstan Magnıtkasy» regaty 1962 jyldan beri ótkizilip keledi. Bul kásibı metallýrgter kúnine arnalǵan dástúrli týrnır.
Birinshilik sondaı-aq sport ardagerleriniń kezdesý orny jáne jetekshi jattyqtyrýshylardyń tájirıbe almasýy úshin jaqsy múmkindik bolyp tabylady. Regatalar kezinde eresekter razrıadtaryn berýge arnalǵan normatıvter oryndalady, bul jas sportshylardy joǵary nátıjelerge yntalandyrady deıdi uıymdastyrýshylar.
