Temirtaý ákimdiginiń bas mamany marıhýana saqtaǵany úshin ustaldy
QARAǴANDY. QazAqparat - Temirtaý ákimdiginiń bas mamany marıhýana saqtady degen kúdikpen ustaldy, dep habarlaıdy «QazAqparat» HAA tilshisi.
Qazirgi tańda Temirtaý ákimdigi apparaty uıymdastyrýdy qamtamasyz etý bóliminiń bas mamany úsh kúnge ustalyp, ýaqytsha ustaý oqshaýlaǵyshyna qamaldy.
Temirtaý ákimdiginiń baspasóz qyzmeti túsindirgendeı, ákimdiktiń qyzmetkeri ustalmas buryn jumystan bosaǵan.
«Ustalǵan adam - burynǵy qyzmetkerimiz. Ol ustalýdan birneshe kún buryn óz erkimen jumystan shyǵyp ketti», - dep túsindirdi vedomstvonyń baspasóz hatshysy Olga Gorıacheva.
QR QK 296-baby «Esirtki, psıhotroptyq zattarmen, sol tektestermen, prekýrsorlarmen ótkizý maqsatynsyz zańsyz jumys isteý» boıynsha sotqa deıingi tergeý jumystary júrgizilýde.
