Temirtaý ádilet departamentiniń burynǵy basshysynyń soty eki jyldan soń bastaldy
QARAǴANDY. QazAqparat - Temirtaý ádilet departamentiniń burynǵy basshysynyń soty onyń ustalǵan sátinen eki jyl ótken soń bastaldy, dep habarlaıdy QazAqparat tilshisi.
Tergeý isiniń ne sebepti osynsha uzaqqa sozylǵanyn Temirtaý prokýratýrasynyń basshysy aıtýdan bas tartty.
«Іsti tergeý rasymen sozylyp ketti, alaıda onyń ne sebepti sozylǵanyn aıta almaımyn», - dedi Temirtaý qalasynyń prokýrory Arman Ahanov.
Basqarma basshysy 2015 jyly 21 maýsym kúni azamattardy jeke suraqtary boıynsha qabyldap otyrǵan sátinde ustalǵan. Qaraǵandy oblysynyń sybaılas jemqorlyqqa qarsy qyzmetiniń tergeý nusqasy boıynsha ol jyljymaıtyn múliktiń qujattaryn jedel daıyndap berýi úshin rıeltordan 15 myń teńge para alǵan.
Alaıda is sotqa jetpegen, sol sebepti toqtatylǵan. Sheneýnik tipti qaıta óz jumysyna ornalasa almaǵan. Endi eki jyl ótken soń is qaıta qaralyp jatqandyqtan, ol jumystan ketýge ótinish berýge májbúr bolǵan. Burynǵy QK 366 «Para alý» baby Qylmystyq kodekstiń 24-190 «Alaıaqtyq jasaýǵa áreket etý» baptaryna aýystyryldy. Para alý deregi rastalmady.
