Temirlanda saıabaqta adasyp ketken 3 jasar qyzdyń ata-anasy tabyldy
TEMІRLAN. QazAqparat - Túrkistan oblysynyń polıtseıleri adasyp ketken 3 jasar sábıdi úıine qaıtardy, dep habarlaıdy QazAqparat.
Keshki saǵat 21.30 shamasynda Temirlan kenti kósheleriniń birinde qyzmet barysynda Ordabasy APB JPQ ýchaskelik ınspektorlary saıabaqta adasyp qalǵan kishkentaı qyzdy baıqady.
Polıtsııa kapıtany Tımýr Manabaev pen polıtsııa leıtenanty Elaman Spabekov tabylǵan sábı týraly dereý kezekshi bólimge habarlap, ony polıtsııa bólimine jetkizdi.
Tártip saqshylary joǵalǵan balanyń ata-anasyn izdeýge dereý kiristi. Olar qyzdan qaıda turatynyn suraýǵa tyrysty, biraq naqty jaýap ala almady.
Sodan soń polıtsııa jaıaý júrginshiler men dúken ıeleriniń jáne jol boıyndaǵy tamaqtandyrý oryndaryn tekserýge kiristi.
Jaqyn mańdaǵy polıtsııa pýknterine habar berdi.
Jarty saǵattan keıin polıtsııa qyzmetkerlerine joǵalǵan qyzdyń atasy keldi. Ol jergilikti turǵyn bolyp shyqty.
Aqsaqaldyń aıtýynsha, ol nemerelerimen birge «Arbat» saıabaǵyna serýendep júrgende nemeresinen kóz jazyp qalǵan. Ýchaskelik ınspektorlar tabylǵan 3 jasar qyzdy aman-esen atasyna qaıtardy.
Óz kezeginde aýdan ortalyǵynyń turǵyny qyraǵylyq tanytyp, joǵalǵan nemeresin jedel taýyp alǵan tártip saqshylaryna alǵysyn aıtty.
Túrkistan oblysynyń polıtseıleri ata-analar men eresekterge balalarǵa, ásirese qoǵamdyq oryndar men mekemelerge barǵan kezde muqııat bolý qajettigin eskertedi.
«Balalardy bir mınýtqa qaraýsyz qaldyrmańyz, óıtkeni olar kópshiliktiń arasynan ońaı joǵalyp ketýi nemese úıden belgisiz baǵytqa shyǵyp ketýi múmkin. Balalar joǵalǵan jaǵdaıda dereý polıtsııaǵa 102 telefony boıynsha habarlasyp, óz betinshe izdeýge ýaqyt joǵaltpaý kerek» dep eskertedi polıtsııa.
