Temirlan Raıymqulov shved boksshysynan jeńilip qaldy
NUR-SULTAN. QazAqparat – Jeńilip kórmegen qazaqstandyq boksshy kásipqoı rıngtegi alǵashqy sátsizdigin bastan keshirdi, dep habarlaıdy QazAqparat Qazaqstan kásipqoı boksynyń áleýmettik jelidegi qaýymdastyǵyna silteme jasap.
Orta salmaqtaǵy qazaqstandyq boksshy Temirlan Raıymqulov (2-0-2) kásipqoı rıngtegi úshinshi jekpe-jegin ótkizdi. Jeńilip kórmegen 28 jastaǵy sportshy kúni keshe Reseıdiń Gelendjık qalasynda ótken boks keshinde óner kórsetti.
Onyń qarsylasy da - jeńilmegen tájirıbeli shved boksshysy Shadı Gamhýr (10-0, 8KO) bolatyn. Ózi Shvetsııa týmasy bolǵanymen, AQSh-ta jattyǵady. Aıqas 8 raýndqa eseptelgen edi, alaıda jetinshi raýndta, ýaqytynan buryn aıaqtaldy. Qos boksshy ańdaýsyzda bastaryn túıistirip alǵan soń jekpe-jek toqtatylyp, jeńis sol kezge deıin úzdik oıyn kórsetip, upaı sanyn eselep úlgergen shvedke buıyrdy.
Osylaısha, Temirlan Raıymqulov mansabyndaǵy alǵashqy jeńilistiń aşy dámin tatty, al Gamhýr 11-shi jeńisine qol jetkizdi.
