Temirbek Júrgenovke arnalǵan kollektsııalyq monetalar aınalymǵa shyǵady

ASTANA. QazAqparat – 24 shildede «Este qalatyn oqıǵalar men birtýar adamdar» serııasynan TEMIRBEK JÚRGENOV.125 JYL kollektsııalyq monetalary aınalymǵa shyǵady, dep habarlaıdy QazAqparat Qazaqstan Ulttyq Bankiniń saıtyna silteme jasap.

Moneta Qazaqstannyń mádenıet jáne óner qaıratkeri Temirbek Júrgenovtiń 125 jyldyǵyna oraı shyǵarylady. T. Júrgenov – Qazaqstannyń tuńǵysh aǵartý mınıstri. Onyń atsalysýymen 1934 jyly Qazaqstanda búkil Ortalyq Azııa men Qazaqstannyń alty iri joǵary oqý ornynyń qurylysy bir mezette bastaý aldy.

TEMIRBEK JÚRGENOV.125 JYL monetasy MN 25 melhıor qospasynan daıyndalǵan. Massasy – 15 gramm, dıametri – 33 mm, daıyndaý sapasy – brilliant uncirculated, nomınaly – 100 teńge, taralymy – 10 myń dana.

Kollektsııalyq monetalar Qazaqstan Respýblıkasynyń búkil aýmaǵynda óziniń belgilengen qunyna saı tólemniń barlyq túri boıynsha qabyldanýǵa, sondaı-aq eldiń barlyq bankinde bank shottaryna esepke alynýǵa jáne aýdarýǵa, usaqtaýǵa jáne aıyrbastaýǵa jatady.

Kollektsııalyq monetalar Qazaqstan teńge saraıynda daıyndaldy. Olar 26 shildeden bastap QUB-tyń ınternet-dúkeni arqyly satylady.

2023 jyl túrki áleminde Temirbek Júrgenov jyly bolyp jarııalanǵanyn eske salamyz.