«Temirbankten» 37 mln. teńgeni qoldy qylǵan kúdiktiler ustaldy
ALMATY. QazAqparat - Almatyda «Temirbankten» 37 mln. teńgeni urlady degen kúdikpen 2 azamat ustaldy. Bul týraly qalalyq ІІD baspasóz qyzmeti habarlady.
Qylmystyq oqıǵanyń «minsiz» oryndalǵanyna qarap, iz kesýshiler kúdiktini bank qyzmetkerleriniń aınalasynan toryǵan bolatyn. Tergeýshilerdiń bul joramaly durys bolyp shyqty. Jedel qyzmet ókilderi banktiń qaýipsizdik qyzmetiniń kúdik týǵyzǵan 37 jastaǵy mamanyn ustady. Keıin anyq bolǵandaı, ol aram oıyn ózi jalǵyz emes, 32 jastaǵy tanysymen birge júzege asyrǵan bolyp shyqty. Eki kúdiktiniń de Jambyl oblysy, Shý aýdanynyń týmalary ekeni anyqtaldy.
«Qazir ekeýi de qylmysty jasaǵandaryn moıyndady. Olar aqshanyń bir bóligin jaratyp úlgergen eken. Qalǵan soma materıaldarǵa tigildi», - dedi qalalyq ІІD krımınaldy polıtsııasynyń basshysy Janbolat Zıadın.
Atalǵan oqıǵa boıynsha QR QK 175 babynyń 4 tarmaǵy boıynsha (iri kólemde ózgeniń múlkin urlaý) qylmystyq is qozǵaldy.
Esterińizge sala keteıik, 2013 jyly qazanda belgisiz bireýler «Temirbank» ǵımaratynyń birinshi qabatyndaǵy eseptik bólmesiniń esigin buzyp kirip, 37 mln. 200 myń teńgeni qoldy etken bolatyn.
