Temirbank qyzmetkeri «Seniń kúniń, Donor!» naýqanyna qatysty
ALMATY. 12 maýsym. QazAqparat - Búgin Almatydaǵy «Temirbank» AQ-nyń 43 qyzmetkeri «Seniń kúniń, Donor!» atty qan tapsyrý naýqanyna qatysyp, 19 lıtr 350 gramm qan ótkizdi.
Ony qarjy ınstıtýtynyń qyzmetkerlerdi basqarý departamentiniń uıymdastyrýymen, Respýblıkalyq qan ortalyǵy men «Baýyrjan» qaıyrymdylyq qory birlesip ótkizdi. «Búginnen donor bol» uranymen ótkizilip otyrǵan bul naýqan Qazaqstandaǵy donorlyq ınstıtýtty damytýǵa úles qosýǵa baǵyttalǵan.
«14-inshi maýsymdaǵy Búkilálemdik donor kúnine oraılastyrylǵan naýqan Temirbankte osymen úshinshi ret ótkizilip otyr. Oǵan 2010 jyly - 42, 2011 jyly - 47 adam óz erkimen qan tapsyrǵan bolatyn. Bıylǵy naýqanda jınalǵan qan Respýblıkalyq pedıatrııa ınstıtýty men elimizdiń medıtsınalyq mekemelerindegi kúrdeli onkologııalyq jáne gematologııalyq syrqattar jandarǵa kómek retinde jóneltiletin bolady», - deıdi «Temirbank» AQ-nyń baspasóz qyzmetiniń bas mamany Mádına Keńes.
