Temir joldy kesip ótpek bolǵan pavlodarlyqtyń kóligi poıyz kele jatqanda toqtap qaldy
PAVLODAR. QazAqparat – Pavlodar oblysynyń Sharbaqty aýdanynda Toyota avtokóliginiń júrgizýshisi kele jatqan poıyzdyń jolyn kesip ótpek bolǵan, alaıda onyń qozǵaltqyshy óship qalǵan, dep habarlaıdy QazAqparat.
«24 naýryzda áleýmettik jelilerdi monıtorıngileý kezinde kolesa_pavlodar paraqshasynda poıyz mashınısiniń shuǵyl toqtaýǵa májbúr bolǵany jaıly beınerolık jarııalandy. Sebebi poıyz jolynda avtokólik turyp qalǵan», – dedi Pavlodar oblysy polıtsııa departamenti bastyǵynyń birinshi orynbasary Jasqaırat Qaıyrov.
Onyń aıtýynsha, bul fakti Pavlodar oblysy Sharbaqty aýdanynyń polıtsııa bóliminde tirkelgen jáne ol boıynsha tekseris jasalǵan.
«19 naýryzda Sharbaqty aýdany Alekseevka aýylyndaǵy temir joldyń 544-shi shaqyrymynda Toyota Camry avtokóliginiń júrgizýshisi jol júrý erejesin óreskel buzyp, baǵdarshamnyń tyıym salatyn sıgnalyna qaramastan óte shyqpaq bolǵan. Júrgizýshi ótýge úlgeremin dep oılaǵan, biraq dál ótkelde kólik toqtap qaldy», – deıdi Jasqaırat Qaıyrov.
Oblystyq polıtsııa departamenti baspasóz qyzmetiniń málimetinshe, júrgizýshi - Sharbaqty aýdanynyń 38 jastaǵy turǵyny.
Oǵan jol erejesin buzǵany úshin QR ÁQBtK 607-babynyń 1-bóligi boıynsha on aılyq eseptik kórsetkish – 29 170 teńge mólsherinde aıyppul salyndy.
