Temir joldar men áýejaılar saýda dálizine aınalýy kerek - Venchaı Chang
«Shaǵyn jáne úlken naryqtardy biriktirsek, halyqtyń sany - 1,7 mıllıard adamǵa jetedi. Jalpy ishki ónim shamamen 17 trıllıon AQSh dollaryna jetedi. JІÓ jeke-jeke eseptelse, asa úlken kórsetkishti kórsetpeýi múmkin. Alaıda, bul sandar qosylsa, aıtarlyqtaı oılandyra túsedi. Minekeı kórdińizder me - bul saýda jasaýda óte úlken áleýetti kórsetip otyr», - deıdi Venchaı Chang.
Onyń aıtýynsha, qazirgi ýaqytta dıvertsıfıkatsııanyń bolmaýy, naryqtyń qoljetimdi bola bermeýi, damymaı qalǵan ınstıýtttar, jeke sektordyń jáen kapıtaldyń jetispeýshilig, bank sektorynyń damymaýy - osynyń bári jeke sektordyń damýyna kedergi keltiredi.
«Bul - bolashaq úshin óte mańyzdy. Alaıda, qazir saýda turǵysynan Ortalyq Azııa aımaǵynda aıtarlyqtaı shekteý baryn kórip otyrmyz. Kóptegen elder Batys elderimen, Reseımen saýda jasasqysy keledi. Biraq, eń mańyzdysy - memleketter arasyndaǵy saýda. Bul máseleni jaqyn arada qalaı sheshe alamyz? Baılanys bolmasa - eshteńe isteı almaımyz. Sonymen birge, dıalogty qalaı keńeıtýge bolady? Transulttyq jáne kedendik máselelerdi sheshý kerek. Saıası qadamdardy úılestirgen abzal. Osylaısha, memleketter arasyndaǵy senimdi qalyptastyrar edik. Jýyq arada biz osy kólik dálizdegi belsendilikti arttyra alamyz. Temir jol, porttar, áýejaılar - osynyń barlyǵyn sizder saýda dálizine aınaldyrýlaryńyz kerek. Bul óz kezeginde ekonomıkaǵa kúsh beredi. Men kóliktik dálizge aınalatyn - ekonomıkany kórgim keledi. Kóptegen elderde men osy baǵytty qoldaımyn», - dedi Venchaı Chang.
Aıta ketsek, Azııa Damý bankiniń irgesi 1966 jyly qalanǵan. Onyń negizgi mindeti - Orta Azııa men Taıaý Shyǵystaǵy ekonomıkany yntalandyrý bolyp tabylady. Banktiń shtab-páteri Manılada (Fılıppın) ornalasqan.
