Temir jol jıeginde mal jaıǵan 1000-nan astam adam jaýapqa tartylǵan
NUR-SULTAN. QazAqparat - Kólik polıtseıleri jyl basynan beri temir jol jıeginde mal jaıǵan 1000-nan astam adamdy ákimshilik jaýapkershilikke tartty, dep habarlaıdy QazAqparat Kóliktegi polıtsııa departamentiniń baspasóz qyzmetine silteme jasap
«Departament pen onyń aýmaqtyq bólinisteri qyzmetkerleriniń júrgizgen profılaktıkalyq jumystaryna qaramastan, temirjol mańynda úı janýarlaryn jaıý faktileriniń tirkelýi áli de jalǵasýda.
Máslelen, osy jyldyń basynan beri poıyzdardy shuǵyl tejeýdiń 2275 faktisi tirkeldi, onyń ishinde temirjol tóseminde maldyń bolýymen baılanysty – 1124. Tirkelgen faktiler boıynsha kólik polıtseıleri mal ıelerin anyqtaý, olardy ákimshilik jaýapkershilikke tartý boıynsha tıisti sharalar qabyldaýda», - dedi QR ІІM Kóliktegi polıtsııa departamenti Ákimshilik polıtsııa basqarmasynyń bastyǵy Jasulan Baıkenov.
J. Baıkenovtyń aıtýynsha, osy jyldyń 4 qarashasynda Qaraǵandy-Suryptaý stantsııasyndaǵy Jelilik polıtsııa bólimine dıspetcherden «Manadyr-Jomart» stantsııasynyń aralyǵynda júk poıyzynyń mashınısi temir jolǵa eki jylqynyń shyǵyp ketýine baılanysty shuǵyl tejeýdi qoldanǵany týraly habarlama kelip túsken.
Josparlanbaǵan poıyzdyń toqtaý ýaqyty 9 mınýtty qurady. «Tekserý barysynda polıtseıler jylqy ıesin anyqtady. Ol 65 jastaǵy Qaraǵandy oblysynyń Jańaarqa aýdanynyń turǵyny bolyp shyqty.
Quqyqbuzýshyǵa qatysty QR ÁQBtK-niń 559-babynyń 1-bóligimen, ıaǵnı temirjol arqyly at-arba kóligimen (shanalarmen) ótý jáne júk artylǵan, minis maldy jáne tabyndy aıdap ótý, temirjoldardyń bólingen jolaǵynda mal jaıý qaǵıdalaryn buzý boıynsha ákimshilik hattama toltyrylyp, oǵan 5 AEK mólsherinde aıyppul salyndy», - dep túıindedi sózin polıtsııa podpolkovnıgi.
«Jyl basynan bergi ýaqytta temir jol jıeginde mal jaıǵan 1000-nan astam mal ıeleri ákimshilik jaýapkershilikke tartyldy», - deıdi J. Baıkenov.
