Temir jol salasyndaǵy jemqorlyqpen kúres júıeli júrgizilýde

ASTANA. QazAqparat – Qazaqstan temir joly kompanııasynda sybaılas jemqorlyq táýekelderin joıý boıynsha josparly jumystar júrgizilýde, dep habarlaıdy QazAqparat kompanııaǵa silteme jasap.

QTJ 2022 jyldyń tamyz aıynan bastap Sybaılas jemqorlyqqa qarsy qyzmetpen birge jumys jasaýda. Nátıjesinde Sybaılas jemqorlyqqa qarsy qyzmet kompanııada jemqorlyq faktilerine yqpal etetin sebepter men jaǵdaılardy joıý úshin usynymdardy qamtıtyn egjeı-tegjeıli taldaý júrgizdi.

QTJ quqyq qorǵaý organdarymen birlesip sybaılas jemqorlyq táýekelderiniń aldyn alý jáne olarǵa jol bermeý úshin barlyq qajetti sharalardy qabyldaýda.

Sonymen qatar kompanııada anyqtalǵan faktilerdiń jolyn kesý jumystary júrgizilýde.