Temir jol salasyn reformalaý: Jeke júk tasymaldaýshylarǵa qoldaý kórsetiledi
NUR-SULTAN. QazAqparat – QR Indýstrııa jáne ınfraqurylymdyq damý mıınstrligi «Temir jol kóligin damytý máseleleri boıynsha QR keıbir zańnamalyq aktilerine ózgerister men tolyqtyrýlar engizý týraly» zań jobasyn tanystyrdy, dep habarlaıdy QazAqparat tilshisi.
QR Indýstrııa jáne ınfraqurylymdyq damý vıtse-mınıstri Berik Qamalıevtiń aıtýynsha, temir jol salasyn reformalaýdyń negizgi maqsattarynyń biri - júk tasymalynyń básekege qabiletti naryǵyn qalyptastyrý úshin, magıstraldi temir jol jelilerin jeke júk tasymaldaýshylaryna qoljetimdi etý úshin jaǵdaı jasaý.
«Osylaısha, ashyq esep pen jolaýshylar tasymaly shyǵyndaryn baqylaýdyń mehanızmi jasalady. Munda bıletke tómen tarıf ornatý, júk tasymaly esebinen jolaýshylar tasymalyn toǵyspaly sýbsıdııalaý, memlekettik bıýdjetten jolaýshylar tasymalyn sýbsıdııalaý, jolaýshylar vagonyn alýǵa kómektesý syndy birneshe jolaýshylar tasymalyn qoldaý quraldaryn eskeremiz», - dedi Berik Qamalıev QR Ádilet mınıstrligi Zań jobalyq qyzmet máseleleri boıynsha vedomstvoaralyq komıssııa otyrysynda.
Odan bólek, sýbsıdııalar men ózge de jolaýshylar tasymalyn qoldaý túrlerin bólý mehanızminiń ashyqtyǵyn kóterý, tasymaldaýshylarǵa ashyq ári ádil qyzmet jaǵdaıyn usyný josparlanǵan.
Atalǵan zań jobasy arqyly Kásipkerlik kodeksine, «Salyqtar jáne ózge de mindetti tólemder týraly» kodekske jáne «Temir jol kóligi týraly» zańǵa ózgerister men tolyqtyrýlar engiziledi.
