Temir jol parki qalaı jańartylady

ASTANA. QazAqparat – 2023-2026 jyldary aralyǵynda 187 teplovoz satyp alynady. Bul týraly Senat depýtattarynyń saýalyna Premer-Mınıstr Álıhan Smaıylovtyń jaýabynda aıtylǵan, dep habarlaıdy QazAqparat tilshisi.

«2023 jyldyń 1 qańtaryndaǵy derekke sáıkes, jyljymaly jolaýshylar quramy parki 2 679 birlikti quraıdy. Onyń ishinde 2 219-y «Qazaqstan temir joly» UK» AQ-ǵa, 460-y jeke tasymaldaýshylarǵa tıesili. Ortasha tozýy – 47,6 paıyz», - delingen Úkimet basshysynyń jaýabynda.

Premer-Mınıst rdiń atap ótýinshe, temir jol parkin jańartý jónindegi is-sharalar aıasynda birqatar kelisimshartqa qol qoıylǵan. Sonymen qatar mynalar josparlanyp otyr:

Birinshi, 2023-2026 jyldar aralyǵynda 187 teplovoz (Wabtec tehnologııasymen Qazaqstanda qurastyrylǵan jáne reseılik) satyp alynady, onyń 70-i 2023 jyldyń birinshi jartyjyldyǵynda jetkiziledi;

Ekinshi, 2023-2029 jyldary Alstom tehnologııasymen elektrovoz parki 245 birlikke jańartylady;

Úshinshi, 2029 jylǵa deıin Stadler tehnologııasymen shyǵarylǵan 537 jolaýshylar vagony jetkiziledi, sonymen qatar Reseıde qurastyrylǵan 307 jolaýshylar vagony satyp alynady;

Tórtinshi, 2023 jyly «Qazaqstannyń vagon jasaý kompanııasy» JShS-nen 1 500 jartylaı vagon jáne «ZIKSTO» AQ-tan 601 fıtıngilik platforma satyp alynady.