Temir jol kólikteriniń qyzmetterine qoljetimdilikti retteýge qatysty qujat Senatta qaralady
ASTANA. 30-shy mamyr. QazAqparat /Aıdar Ospanalıev/ - Búgin Parlament Senatynyń ekonomıkalyq jáne óńirlik saıasat komıtetinde «Tarıftik saıasatty qosa alǵanda temirjol kólikteriniń qyzmetterine qol jetkizýdi retteý týraly kelisimdi ratıfıkatsııalaý týraly» zań jobasy qaraldy.
Májilis barysynda atalmysh qujatqa baılanysty baıandama jasaǵan Kólik jáne kommýnıkatsııa vıtse-mınıstri Erkin Dúısenbaevtyń aıtýynsha, 2013 jyldyń 1 qańtarynan bastap, eksporttyq, ımporttyq jáne memlekettiń ishindegi temir jol kólikterinde biryńǵaı tarıf bolady. Bul úderis júk tasymaldaýshylarǵa shekten tys salmaq salmaý maqsatynda satylap júzege asyrylady. «Bul kelisim bizdiń qazaqstandyq júk tasymaldaýshylarǵa Reseı men Belarýs elderiniń temir joldaryna qoljetimdiligin qamtamasyz etedi. Buryndary atalmysh elderdiń kólikteri eksporttyq, ımporttyq jáne ishki bolyp bólinetin jáne olardyń baǵalary da ártúrli bolatyn. Búgingi bizdiń talqylaýymyzǵa usynylyp otyrǵa qujat kúshine ense, atalǵan baǵalardyń barlyǵy biryńǵaı bolady. ıAǵnı temir jol qyzmeti Kedendik odaqqa múshe elderdiń barlyǵynyń ókilderine birdeı bolady»,-dedi vıtse-mınıstr.
Qujatty talqylaý barysynda depýtattardyń barlyǵy biraýyzdan qoldap Parlament Senatynyń jalpy otyrysynda qaraý qajet dep sheshti.
