Temir jol boıyna jańa qorshaýlar ornatyldy
ASTANA. QazAqparat - Respýblıka óńirlerinde temir jol boıyna maldardyń shyǵyp ketýin boldyrmaý maqsatynda 60 shaqyrymǵa jańadan qorshaýlar ornatyldy, dep habarlaıdy QazAqparat kompanııanyń baspasóz qyzmetine silteme jasaı otyryp.
Temirjolshylardyń qorshaýlar ornatýy ıesiz maldardyń jol boıyna shyǵyp ketip, poıyz qozǵalysyna qaýip tóndirý faktisiniń ulǵaıyp ketýinen bolyp otyr. Máselen, ótken jyly poıyz jolǵa maldardyń shyǵyp ketýine baılanysty 134 oqıǵa tirkeldi.
«QTJ» UK» AQ atqarýshy dırektory - Magıstraldyq jeli dırektsııasy» fılıalynyń dırektory Jaras Іzǵulovtyń aıtýynsha, jyl saıyn temirjol boıynda maldyń jaıylyp júrip, jolǵa shyǵyp ketýi saldarynan maldardyń ólýi jıi bolady. Lokomotıvter men vagondardyń búlinýinen poıyzdardyń toqtap qalýyna, materıaldyq shyǵyndarǵa ákelip soqtyrady. Ásirese, poıyz qozǵalysy qaýipsizdigine nuqsan keltiredi.
J.Іzǵulov qazirgi tańda 6,7 myń shaqyrym jol qaýipsizdendirilgenin jáne «Astana-Almaty men Astana-Býrabaı baǵytyndaǵy temir joly boıyndaǵy 600 shaqyrymdyq telimge qorshaýlar ornatýdyń jobalyq-smetalyq qujattary jasalyp jatqandyǵyn atap aıtty.
