Temir jol bıletteriniń baǵasy kóterilmeıdi - «Jolaýshylar tasymaly» AQ

ASTANA. QazAqparat - Teńge baǵamyna túzetýler engizilýine baılanysty temir jol tarıfteri kóterilmeıdi. Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi baspasóz máslıhatynda «Jolaýshylar tasymaly» AQ basqarma tóraǵasy Ermek Tólegenov málim etti.

«Byltyr biz 20 mln. 450 myń jolaýshyny tasymaldadyq. Bıylǵy qańtar aıynyń ózinde 1 mln. 675 myń jolaýshy tasymaldadyq, bul kórsetkish byltyrǵa qaraǵanda 600 jolaýshyǵa artyq», - dedi E. Tólegenov.

Onyń sózine qaraǵanda, halyqaralyq qatynastar boıynsha da bılet baǵasy artpaıdy.

Conymen qatar ol Reseımen salystyrǵanda Qazaqstandaǵy ishki tarıfter 3,5 esege arzan, al Ýkraınamen salystyrǵanda eki esege tómen ekenin atap ótti.