Temir jol bıletterin QIWI termınaldarynan satyp alýǵa bolady
Endi Qazaqstannyń barlyq turǵyndarynyń búkil respýblıka boıynsha kóptegen saýda, oıyn-saýyq, qoǵamdyq oryndarda ornalastyrylǵan QIWI termınaldary arqyly poıyzǵa elektrondyq bıletti satyp alý múmkindigi bar. Termınaldardyń jalpy sany 14 myńnan asady. Bul týraly «Jolaýshylar qyzmeti» AQ baspasóz qyzmetinen habarlady.
Termınaldar arqyly jolǵa attanýdyń yńǵaıly kúnin tańdap qana qoımaı, vagondarda oryndardyń bolýyn tekserýge, vagon túrin (kýpe, platskart, lıýks) tańdaýǵa, baǵa nusqalaryn jáne tarıftik kesteni (eresekter, balalar bıleti) qarap shyǵýǵa bolady.
Vagon múmkinshilikteri shekteýli tulǵalarǵa arnalǵan oryndarmen jabdyqtalǵan bolsa, bul aqparat termınal ekranyna shyǵarylady. Bıletti tólqujat, jeke kýálik, júrgizýshi kýáligi, týylý týraly kýálik jáne t.b. jeke basty kýálandyratyn qujattarmen satyp alýǵa bolady. Bul qyzmet túrin Qazaqstan azamattarymen qosa ózge elderdiń, sonyń ishinde TMD elderiniń azamattary da paıdalana alady.
Bir tranzaktsııa barysynda eń kóbi tórt bılet satyp alýǵa múmkindik bar. Tranzaktsııalar sany shekteýsiz. Qyzmetti paıdalaný úshin, bas mázirdegi «Transport ı týrızm» («Kólik jáne týrızm») bólimine kirip, odan keıin - qyzmetterdi jetkizýshiler tiziminde «Qazaqstan temir jolyn» tabý kerek. Odan keıin, saparyńyzdyń barlyq parametrlerin tańdap, uıaly telefon nómirin engizip, tóleý úshin qajetti somany salý kerek. Aqsha nomınaly satyp alý somasynan asatyn bolsa, artyq aqsha paıdalanýshynyń uıaly telefonyna aýdarylady. Bılettiń poıyzǵa mingende kúshine enetin chekke basylyp shyǵarylady.
Apparattaǵy chek taspasy taýsylyp qalǵan bolsa, chek dýblıkatyn kez kelgen ózge QIWI termınalynan alýǵa bolady. Ol úshin stantsııany tańdaý paraqshasynda «Dýblıkat cheka» («Chek dýblıkaty») túımesin basyp, bıletti satyp alý barysynda paıdalanylǵan telefon nómirin (ıaǵnı, artyq aqsha jiberilgen telefon nómirin) engizý qajet. Odan keıin chek qajet etiletin tapsyrysty tańdap, «Dalee» («Ári qaraı») túımesin basyńyz, nátıjesinde chek basylyp shyǵarylady.
