Temir tuzaqpen sýyr aýlaǵan Aqmola oblysynyń turǵyny ustaldy
Aqmola oblysy polıtsııa departamentiniń baspasóz qyzmetiniń habarlaýynsha, 4 tamyz kúni krımınaldyq polıtsııa bólimshesiniń qyzmetkerleri erekshe qorǵalatyn tabıǵı aýmaqtaǵy zańsyz ańlaý boıynsha reıd júrgizý kezinde buryn QR QK 1-bólimi 188-baby boıynsha sottalǵan 46 jastaǵy Býrabaı aýdanynyń turǵynyn ustady.
«Brakoner Qarabaýyr aýylynan bes shaqyrym jerde jaıylymda júrgen kezinde zańsyz ań aýlaýmen aınalysqan – qoldan jasalǵan temir tuzaqpen sýyr aýlaǵan. Qaskúnemnen tyıym salynǵan ańshylyq qural sanalatyn bes temir tuzaq jáne úsh sýyrdyń terisi tárkilendi», - dep málimdedi vedomstvodan.
Atalmysh fakti boıynsha QR QK 4-bólimi 337-baby «Zańsyz ań aýlaý» boıynsha sotaldy tergeý bastaldy. Oǵan protsessýaldyq shara retinde sotqa kelý mindetteldi.
Mundaı brakonerlerdiń áreketteri zańsyz atqyshtardyń áreketteri sııaqty qaýipti. Olar ózderine nazar aýdartpaý úshin ań aýlaýǵa qarýsyz shyǵady.
Al temir tuzaqpen aýlanǵan ań qınalyp óledi. Tuzaq úzilip ketse, ol ári qaraı janýardyń moıynynda qalyp qoıady.
Ol irińdeýge jáne ańnyń sepsısten ólýine alyp keledi.
«Brakoner» jedel-aldyn alý sharalarynyń bar bolǵany úsh kúninde balyq aýlaý erejelerin buzýdyń 42, ań aýlaý erejelerin buzýdyń 87 faktisi anyqtalyp, ekpe aǵashtaryn zańsyz kesý boıynsha bes ákimshilik hattama toltyryldy.