Temir tulpar ıeleri aıyppuldardy uıaly telefon arqyly tóleı alady
ASTANA. 24 qyrkúıek. QazAqparat - Halyq banki men Interveıl Qazaqstan kompanııasy uıaly telefonmen júzege asyrylatyn MyPaykz tólemderi boıynsha qazaqstandyq servıs múmkindiginiń keńeıtilgendigi týraly jarııa etti.
Endigi jerde QR ІІM Jol polıtsııasy komıtetiniń qyzmetkerleri jol júrý erejesin buzǵany úshin belgilegen aıyppuldardy tóleýdi qazaqstandyq bankterdiń tólem kartalarynan júzege asyrýǵa bolady. Bul týraly «Qazaqstan Halyq Banki» AQ baspasóz qyzmeti málimdedi.
Tólemdi júrgizý úshin mobıldik qosymshanyń mázirindegi qyzmet kórsetýshiler tiziminen «MAI aıyppuldary» degen tarmaqty tańdap alý kerek. Tólemdi paıdalaný yńǵaıly bolý úshin aıyppul tóleminiń eki túrli nusqasy qarastyrylǵan. Birinshisi, júrgizýshi kýáliginiń málimetterin jáne JSN-dy engizý kerek. Ekinshisi, tártip buzýshylyq týraly qaýly málimetterin - JSN-dy, qaýly blankiniń nómirin, túrin, serııasyn jáne kúnin engizý qajet.
«Jaqynda ǵana, tamyz aıynda ótken baspasóz máslıhatynda biz Interveıl Qazaqstan kompanııasyndaǵy seriktesterimizben birlesip osyndaı qyzmet túrin jýyqta iske qosatynymyz týraly málimdegen bolatynbyz»,- dep atap ótti óz sózinde Bank Basqarmasy tóraǵasynyń orynbasary Marat Álmenov,- «Elimizdegi avtokólik sanynyń udaıy ósip otyrǵandyǵyn eskere kele, biz mundaı qyzmet túrine suranys qashan da bolatyndyǵyna senemiz, óıtkeni aıyppul tólemin júrgizý aıtarlyqtaı ońaı - qazaqstandyq kez kelgen banktiń tólem kartasynyń nómirin jáne MyPaykz servısi ornatylǵan uıaly telefondy paıdalaný jetkilikti bolady».
MyPaykz jańa múmkindikterin paıdalaný úshin mobıldi telefon qosymshasyndaǵy mázirdi jańartý qajet. MAI aıyppuldaryn tóleý fýnktsııalary bar jańartylǵan qosymshalardy OS j2me, Symbian, WindowsMobile, Android úshin GooglePlay-dan júktep alýǵa bolady, sondaı-aq NokiaStore qosymshasynyń dúkeninde jáne wap.mypay.kz. saıtynda qol jetkizýge bolady. I-Phone ıelenýshileri úshin AppStore-de jarııalanǵan qosymshany jańartý qajettigi týady.
MyPaykz qosymshasynyń kómegimen qazaqstandyq kez kelgen GSM-baılanysy operatorynyń abonenti bolyp tabylatyn Halyq Bankiniń klıentteri 50-den astam kompanııanyń qyzmetteri men taýarlary úshin, onyń ishinde uıaly baılanys, Internet, televıdenıe, kommýnaldyq jáne basqa da qyzmetter úshin banktik kartochkany paıdalana otyryp, naqty ýaqyt rejıminde uıaly telefon arqyly aqy tóleı alady. Taıaý ýaqytta mundaı qyzmet túrleriniń tizimi uıaly telefon arqyly salyq tóleý, temir jol jáne avıa bıletteri úshin aqy tóleý, sondaı-aq kartochkadan kartochkaǵa aqsha aýdarý sııaqty múmkindiktermen tolyqtyrylady, deıdi kompanııa ókilderi.
