Temir Taısonnyń «erligi»
ASTANA. 25 tamyz. QazAqparat - Amerıkalyq áıgili boksshy Maık Taıson óz ómirin ózgertip, alkogol men esirtkiden bas tartqysy keletinin málimdedi, dep habarlaıdy Reseıdiń «Jańalyqtar» aqparattyq agenttigi.
Osy aptada Taıson bokserlik kezdesýlerdiń promoýteri retinde jumysqa kiristi. Onyń Iron Man Productions kompanııasy juma kúni Nıý-Iorkte alǵashqy týrnırin ótkizgen bolatyn. Osyǵan oraı ótkizilgen baspasóz máslıhatynda Taıson óz ómiri jaıly syr bólisti.
«Men ómirde kóp jamandyq jasadym. Sol úshin keshirim alyp, ómirimdi ózgertkim keledi. Men ajal aldynda turmyn, óıtkeni men - maskúnemmin. Іshimdik pen esirtkige jolamaǵanyma alty kún boldy. Bul - men úshin naǵyz erlik. Endi bul bálege eshqashan jaqyndamaspyn», - dep aǵynan jaryldy «temir» Taıson.
Asa aýyr salmaqtaǵy álemniń burynǵy chempıony Maık Taıson sharshy alańda 50 ret jeńiske jetti (44-i - nokaýtpen) jáne alty ret jeńilistiń aşy dámin tatty. 1986 jyly ol álemdik boks tarıhyndaǵy eń jas chempıon atandy. Sonymen qatar ataqty boksshy 1992, 1998 jáne 2008 jyldary úsh ret qamaýǵa alynǵan.
