Temir dáýirine tıesili 1000-nan asa petroglıfter tabyldy
ASTANA. QazAqparat - Ózbekstan ǵalymdary Samarqand oblysyndaǵy Quryqsaı shatqalynan 1000-nan asa tasqa qashalǵan sýret jazbalaryn tapty, dep habarlaıdy news-asia.ru.
"Quryqsaıdan tabylǵan petroglıfterdiń eń kónesi Temir ǵasyryna tıesili. Qazir tastaǵy jazýlardyń 1000-nan asa túri anyqtaldy», - deıdi Ózbekstan Ǵylym akademııasy Arheologııa ınstıtýtynyń ǵylymı qyzmetkeri Azbıddın Holmatov. - Sýretterdiń sıýjetteri ár alýan. Tas «kartınalarda» osy óńirdi meken etken arqarlar, jabaıy jylqylar, qulandar, qasqyrlar, túlkiler, túıeler beınelengen. Bir sýrette jyrtqysh ańdardyń taý eshkilerine shapqany kórsetilgen". Atap ótý kerek, tabylǵan sýret kórmesi petroglıfter sany boıynsha respýblıkada Naýaı oblysynan keıin ekinshi orynda. Onda 10 000-nan asa sýretter tirkelgen bolatyn. Ǵalymdar Quryqsaıdaǵy bul arheologııalyq jazbalardy respýblıkanyń týrıstik baǵdaryna qospaqshy.
