Temekiniń ornyna alma: Rýdnyılyq polıtseıler erekshe aktsııa bastady
QOSTANAI. QazAqparat - Rýdnyı qalasy polıtsııa basqarmasynyń qoǵamdyq kómekshileri jastar resýrstyq ortalyǵymen birlesip «Nıkotın emes, vıtamın» aktsııasyn ótkizdi, dep habarlaıdy QazAqparat.
Rýdnyı polıtsııa basqarmasynyń basshysy Álim Bájikbaev aıtqandaı, bul aktsııaǵa eriktiler toby belsene qatysty. Olar qoǵamdyq oryndarda, avtobýs ishinde adamdardyń bir tal temeksin bir almaǵa almastyrdy.
«Alma ókpe aýrýlarynyń órshýine qarsy kúrese alatyn shıpaǵa ıe. Ǵalymdar apta ishinde eki almanyń ózi kómektesetinin dáleldedi. Ásirese, bul jemistiń kók tústisi shylymqorlardyń zııandy ádetten arylýyna kómektesedi. Aktsııaǵa kezdeısoq júzbe-júz jolyqqan 30 shaqty adam qatysty. Árıne, muny árkim ártúrli qabyldady. Áldebireýi bir alma úshin bir tal temekiden bas tartýǵa qarsylyq bildirgen joq, al endi biri shylymnan tutas qorabymen bas tartty», - deıdi qoǵamdyq kómekshi, eriktiler tobynyń múshesi Marııa Zıývanova.
Osylaısha rýdnyılyqtar qyzyqty ári tıimdi aktsııaǵa bastama boldy. Olar bul sharanyń ári qaraı jalǵasyn tabatynyna senimdi.
Polıtsııa departamentinde atap ótkendeı, statıstıkaǵa boıynsha Qazaqstanda jyl saıyn 25 myń adam temeki kesirinen kóz jumady eken. Tabak ónimderin tutyný - onkologııalyq kóptegen aýrýdyń basty sebepshisi.
