Temekige tyıym salatyn zańdar talapqa saı oryndalmaı otyr - S.Qaıyrbekova
TANA. 24 tamyz. QazAqparat /Aıdar Ospanalıev/ - Densaýlyq saqtaý mınıstri Salıdat Qaıyrbekovanyń pikirinshe, eldegi qoǵamdyq oryndarda temeki shekken azamattarǵa aıyppul salý tetigi jetilmegen.
Bul týraly ol Premer-Mınıstrdiń orynbasary Erbol Orynbaev basqaratyn Densaýlyq saqtaý jónindegi úılestirý keńesiniń XV májilisinde aıtty.
Mınıstrdiń pikirinshe, qoǵam arasynda temekige áýeýstenshiler sanyn azaıtýǵa keri áserin tıgizip otyrǵan birneshe másele bar. Olar temeki buıymdaryna degen baǵanyń arzandyǵy men qoǵamdyq oryndarda temeki shekken adamdarǵa aıyppul salý tetiginiń jetilmegendigi. «Mysaly qoǵamdyq orynda temeki shegýge bolmaıtyndyǵy jóninde talapty buzǵan adamǵa nebári 1 aılyq eseptik kórsetkish kóleminde aıyppul salynady. Onyń ózinde aıyppul salý úshin hattama toltyrý, sottiń sheshimin kútý sııaqty adamdy áýre-sarsańǵa salatyn sharalardy atqarý qajet. Sondaı-aq 18 jasqa deıingi jasóspirimderge temeki satpaý men temekini bólshektep satýǵa tyıym salynatyndyǵy jónindegi talap ta oryndalmaı otyr», - dedi mınıstr.
