Temekiden jyl saıyn 25 myń qazaqstandyq ajal qushady
ASTANA. 30 mamyr. QazAqparat - Qazaqstanda temekiden jyl saıyn 25 myń adam qaıtys bolady. Bul týraly búgingi brıfıngte Salaýatty ómir saltyn qalyptastyrý máseleleri jónindegi ulttyq ortalyqtyń dırektory Jámılıa Battaqova málim etti.
«Al álem boıynsha temekiden 5 mln. adam ajal qushady», - deıdi J.Battaqova. Onyń habarlaýynsha, temekige táýeldi qazaqstandyqtardyń úlesi 27 paıyzdy qurap otyr. Ol degenimiz, elimizde árbir tórtinshi azamat temeki shegedi. «Bizdi temeki shegetin jasóspirimder máselesi qatty alańdatady. Zertteýge sáıkes, olardyń 12 paıyzy -11 jastan, al 5 paıyzy 9 jastan bastan temeki shege bastaıdy. Sol sebepti osy problemaǵa basa nazar aýdarǵan jón», - dep atap kórsetti J.Battaqova.
