Temeki - zııan, mentol dámi bar temeki odan da qaýipti - Ǵylymı zertteý
ASTANA. QazAqparat - Keıbir adamdar mentol dámi shyǵatyn temeki shegýdi unatady. Biraq ol shylymnyń zııany kóp ekenin, ókpege óte aýyr zaqym keltiretinin bile bermeıdi, dep jazady The Daily Mail.
Statıstıka boıynsha, mentol dámi bar temekini shegetin adamdar basqalarǵa qaraǵanda eki ese artyq «ýlanady». Osyny anyqtaý maqsatynda ǵalymdar mentol temekilerin shegetin 3758 adam men eshbir «dámsiz» temeki shegetin 1941 adamnyń densaýlyǵyn salystyrdy. Qatysýshylardyń barlyǵy jylyna kem degende on qorap temeki tartatyndardan bolǵan.
Nátıjesinde, mentol temekilerin shegetinderde ókpe dertiniń ótkir belgilerine shaldyǵý qaýpi 29 paıyzǵa artatyny belgili boldy.
Mentol dámi shyǵatyn temekini tartatyn shylymqorlar arasynda jastar, áıelder jáne qara násildi adamdar kóp bolyp shyqty.
