Temeki tuqylyn jerge tastaǵan azamat bir kúnge qamaldy
ASTANA. QazAqparat - Pavlodar oblysy Jelezın aýdanyna qarasty Lesnoe aýylynyń turǵyny temeki tuqylyn jerge tastaı salǵany úshin ákimshilik jaýapqa tartyldy, dep habarlaıdy pavlodarnews.kz Pavlodar oblystyq sotynyń baspasóz qyzmetine silteme jasaı otyryp.
Baspasóz málimetterine qaraǵanda Lesnoe aýylynyń turǵyny Zelenaıa kóshesinde temeki tuqylyn jerge tastap, qorshaǵan ortany lastaǵan. Jelezın aýdandyq soty oǵan QR Ákimshilik quqyq buzýshylyq kodeksiniń 1-baby, 434-bólimine saı (qorshaǵan ortany lastaý, kommýnaldy qaldyqtardy syrtqa tastaý) ákimshilik is qozǵady. Ol bir kúnge qamaýǵa alyndy. Úkim zańdy kúshine engen joq», - dedi baspasóz qyzmetindegiler.
Aıta keteıik, Jelezın aýdanynda taǵy bir azamat osyndaı zańbuzýshylyq boıynsha jaýapqa tartylǵan. Myńkól aýylynyń turǵyny Pýshkın kóshesinde ketip bara jatyp, mas kúıde shý shyǵaryp, qorshaǵan ortanyń tynyshtyǵyn buzǵan. Áıel adam óz kinásin tolyq moıyndady. Nátıjesinde bul qylyǵy úshin 30 paıyz jeńildikpen 15 883 teńge aıyppul tóleýge mindetteldi. Úkim zańdy kúshine engen joq.
