Temeki tuqylyn sóndirmegen er adam kólikte janyp ketti
ASTANA. QazAqparat - Máskeýdiń shyǵysynda ótken túni er adam sónbeı qalǵan temekiniń saldarynan óz kóliginde órtenip ketti.
Aldyn ala derekter boıynsha túnde er adam dosymen birge kólik salonynda ishimdik ishken. Keıinirek kólik ıesi úıine uıyqtaýǵa ketken, al dosy áıelimen janjaldasyp qalǵandyqtan kólikte túnemekshi bolǵan.
Shamasy órt temeki tuqylyn sóndirmegendikten bolǵan. Ol temeki shegip jatyp uıyqap ketken bolýy kerek.
Sanaýly ýaqytta kólik túk qalmaı janyp ketken. Ajal qushqan er adamnyń máıitin shaqyrtý boıynsha kelgen órt sóndirýshiler tapqan, dep habarlady «Interfaksqa» quqyq qorǵaý organdary.
