Temeki tartý kezinde qaterli isikti damytatyn molekýlıarlyq tetik tabyldy
ASTANA. Qańtardyń 25-i. QazAqparat - Taıvan ǵalymdary ókpe qaterli isigin týyndatatyn jáne damytatyn temeki tútininiń molekýlıarlyq tetigin tapty,
dep habarlaıdy QazAqparat Lenta.rý saıtyna silteme jasap.
Chen Kýn Ulttyq ýnıversıtetindegi Ichın Vannyń (Yi-Ching Wang) jetekshiligimen jumys istegen ǵalymdar buǵan deıin belgili baýyr fermentteri belsendilengennen keıin ókpe qaterli isigin týyndatatyn jáne damytatyn temeki quramyndaǵy NNK (4-(metılnıtrozamıno)-1-(3-pırıdıl)-1-býtanon) prokantserogen zatyn zerthanalyq tyshqandarǵa engizdi. Tyshqandarda isik paıda bolǵannan keıin ǵalymdar olardyń bıohımııalyq erekshelikterin saraptady jáne shylymqorlarda bolatyn isikpen salystyrdy. NNK prokantserogeni tyshqandardyń da jáne adamdardyń da ókpe jasýshalarynyń qýystarynda DNMT1 (tsıtozın-5-metıltransferaza DNK 1) fermentiniń jınaqtalýyn týyndatatyn bolyp shyqty. Osy fermentterdiń áserimen, negizinde qaterli isiktiń paıda bolýyn damytý bar, jasýshalardyń baqylaýsyz bólinýine tosqaýyl bolatyn qanda metıldeý júrgiziledi.
