Temeki tartqan qostanaılyq úıin órtep aldy
QOSTANAI. QazAqparat - Rýdnyıda kópqabatty úılerdiń birinen órt shyqty, dep habarlaıdy QazAqparat tilshisi.
Oblystyq TJD baspasóz qyzmeti taratqan habarlamaǵa súıensek, aldymen páter ishindegi tósek jabdyqtary órtengen.
«Qutqarýshylardyń kómegimen 35 adam qaýipsiz jerge kóshirildi, onyń ishinde bes bala bar. Alaıda bir adam ıisti gazdan ýlanyp, oblystyq aýrýhanaǵa tústi. Aldyn ala boljam boıynsha, ol tósekte jatyp temeki tartqan. Saldarynan temeki tuqyly tósek jabdyqtaryna túsip, tutaǵan», - delingen vedomstvo habarlamasynda.
TJD aqparaty boıynsha, taǵy bir órt Qostanaı aýdanynyń Zatobol kentindegi 6 páterli turǵynúıden shyqqan. Órt kezinde eki adam zardap shekken. Olar «ystan ýlaný» dıagnozy boıynsha jergilikti aýrýhanada em alyp jatyr. Mamandar órt symdardyń qysqa tuıyqtalýynan shyqqan dep boljap otyr.
