Temeki shekpeý, durys tamaqtaný - obyr dertine shaldyqpaýdyń birden-bir joly
ASTANA. QazAqparat - Cancer Research UK uıymy júrgizgen zertteý ómir súrýdiń keıbir faktorlaryn ózgertý obyrdyń damý táýekelin 10-nan 4-ke deıin tómendetetinin kórsetti.
Ǵalymdar temeki shegý, durys tamaqtanbaý, ishimdik ishý sııaqty jaman ádetter táýekeldi arttyra túsetinin aıtady, dep jazdy Science World Report. Zertteý derekteri boıynsha eń qaýiptisi - temeki shegý.
Shylym shekpeı, durys tamaqtansa, atap aıtqanda kókónister men jemis-jıdekterdi kóbirek tutynsa jáne ratsıonnan óńdelgen ónimderdi alyp tastasa, jaǵdaıdy túzetýge bolady. «Kóptegen zertteýler ómir súrý salty obyrdyń damý táýekeline yqpal etetinin kórsetti. Menińshe, Jańa jyl - salaýatty ómir saltyn júrgizýdi bastaýǵa tamasha múmkindik», - deıdi zertteýshi Maks Parkın.
Ǵalymdar sońǵy 5 jylda temeki shekpeý arqyly shamamen 314000, durys tamaqtaný arqyly - 145000 obyr jaǵdaıynynń aldyn alýǵa bolýshy edi dep málimdedi. Al 88000 oqıǵa artyq salmaqqa baılanysty oryn alǵan. Zertteýshiler úkimet arnaıy shara ótkizip, adamdarǵa salaýatty ómir saltyn qurýǵa járdemdesýi qajet dep sanaıdy. Mysaly, Ulybrıtanııada shylymqumarlardy 1 paıyzǵa azaıtqannyń ózinde jylyna 3000-ǵa jýyq adamdy ajaldan arashalap qalady.
